“so en tollpatsch”, story of my life – part 1

oooooooooook! wieder en pinlechi-antonella-szene! OMG… warum… why, god, whyyyyyyyyyyyyyyyyyyy?! *siiiiiiiiiiing* nei, es wird nid gsunge. no nid!

büro. fasch 9i. bi scho sit fasch 1.5 std. do. vergäbens. schlofe ir letschti schlächt. bi so halbwägs verkältet. mini stimmbänder tööne eher wie verstimmti saitene vore gitarre, es kribelet ir rache-gägend (genau hüt, huere scheiss… holy butterball) und ganz ehrlech: i glaub ig wirde eifach alt. so mängisch abgmacht die wuche, so mängisch spoht is bett (z.t. isch es nid mou mis bett gseh, sondern es sofa oder en luftmatratze)… ig ha entschiede. bi alt.

aber ebe. ig bi im büro, mittlerwiile isch es 5 min. spöter und es foht mer afo dämmere, wieso ig zu nüd chume: ha d ufmerksamkeitsspanne vore eintagsfliege wo no aues wott gmacht ha a ihrem gross tag! well… ebe… büro. verkältet. igmummlet. gseh us wie vo nere dogge verkätscht und de wieder usegspuckt. mini läbenslust isch irgendwo zwüsche “gaaaar nid” und “o gott, wie bin ig überhaupt bis is büro cho?”

plötzlech. en liechtstrahl. en vision. öppis wo mi loht la straaaaaaahle: üse ferdinand* chunnt ine und versprüht sie charm links und rächts. ferdinand = en grossgrotnige teddybär mit unwiderstehlechem chouchou-faktor! äääääääh… aber är hockt immer dört hingere, mensch. dä gseht mi jo chum, do i mim desolate eggeli wos so düster isch. aber. wenn ig so besser nochedänke. isch es villicht nid mou so schlächt. so wie ig hüt usgseh. nei. entschiede: besser so! cha ne vo der färni beobachte. chume mer vor wie en jäger. haha.

chefin rüeft mi. uffff… muess jetz glich ufstoh und är wird mi glich gseh, wüu die hockt genau rügge-à-rügge mit ihm. mensch! muess das sii? ha doch entschiede, dass är mi hüt nid seu gseh! ok… setz es lächle uf. irgendeis. jo. ok. dä isch guet. los. hallo. huhu. jo. guete morge! oooooh… am liebste möchte ig ne knuddle. dä isch mer suspekt. zu süss. hm… mini faghag-antenne verspüre zwar ke schwöster-allarm. hm… okay. är isch es nid. är isch en hetero wo eifach süess isch (villicht gits no es paar vo dene wo so als unlimited editon i de 70er und 80er härgstellt worde isch). luege ne a. “aues guet?” und ig “ja danke. hahaha…” natürlech isch nüd guet, mann… gsehsch nid guet!?

und denn passierts: är lächlet. ig wott mi a chlii schrank stütze wo näb mer isch, dört druf isch aber e schniiidmaschine wo ig säubstverständlech nid gseh ha (bi aber sicher dass die scho siit johre dörte stoht). ig hebe mi anstatt am schrank a dere scheiss schniidi, schliifere mit dr hand us, aues gheit a bode und es git en riese-mega-more-gstürm. bang. bung. peng. kreisch. padabooooing. aues a bode. natürli luegt alles. natürli lacht alles. antonella. immer sie. natürli. ig bis jo wieder. dr tollpatsch. ja. thaaaat’s me. whatever. dehaut. mi interessiert eifach nur wie är reagiert…

… als absolute gentleman (i säge das isch mer suspekt) stoht är uf und hilft mer alles ufzläse. “isch doch nid so schlimm.” neneeeei… das meinsch aber au nur duuuu!!! ig bi wieder en mega elefant im porzellanlade! brummiger als jede 7. zwärg gohn ig wieder a mi platz zrugg; wott eifach nümme drüber noche dänke und hoffe, dass aui vergässe, dass ig wieder mou ha müesse zeige wie unglaublech liechtfüessig und durchuus herrin über mein körper bii!

aber nei. es wird immer no glächlet. gwitzlet. aber wieso bin ig überhaupt ufgstande? ehm… shiiittt… hähähähä… daaaarum stoht d chefin sit 3 minute und luegt mi a… ja, i chume. sorry. hähähä… “antonella. du bisch so en tollpatsch.” würkli? tell me that again!

* name von der redaktion geändert

Advertisements

3 thoughts on ““so en tollpatsch”, story of my life – part 1

  1. Vale says:

    Hihihihi… Du magsch viellecht tollpatschig si, aber zumindest verstummsch nid und lohsch nid komischi Froge oder Bemerkige use, wies mir des öfteren passiert ;). An alli Simpsons-Fan: dr Homer würd in sonere Situation es Kopfchino ha und denke “Nein” :))..

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s