nicht die feine englische art.

flug basu-london.

status: in a relationship with extraordinary excitement!
ergo: mega fröid… ändlech wieder london. ändlech wieder chlei „heimatluft“.

die wo näb mir sitzt foht mit mir a schwätze: blablablaaa… us aarau. blablablaaa… 27gi… blablabla… müed. hm. goht uf london wäg dr perfektionierig vor sproch. isch no nätt (han ig denne no gmeint, pf). chlei z exentrisch han i s gfüehl, aber… ja nu. sie redet nid vüu. muess schlofe. het am nomi no unterricht. sie muess no e monet schuel hinger sech bringe… ha sie aber ghöre rede. eeeeehm. ig dänke es bruucht e chlei meh as ei monet, damit sie sech in an acceptable way cha usdrücke. aber ig säges ihre nid. wott se jo schliesslech nid brüskiere. ig. sie. aber sie isch do eher angersch drauf. ja.

mir stiige vom flüger und nähme zäme d shuttle und dört foht sii a: “weisch bi ebe nur kurz über s weekend deheime gseh zu mim maa… är isch ebe kubaner, mega e schöne. är isch agsteut bire gueti schwizer firma. isch ebe mega schwierig für usländer so ne guete job z finge. aber ig bi sooo froh bringt är sini 6000 stutz hei. jaaa… und duuu? hesch e frönd z london?”, frogt sie mi hämisch, fasch as wott sie mer z verstoh gäh, dass sie mer nie wird abchoufe, dass ig e frönd ha – ig loh mi aber nid loh fertig mache:

“JA.“, wow… wie us dr pistole gschosse, „är het ebe scho überau chlei gwohnt! und isch immer unterwäx uf dr wält.” lüg ig ihre fräch vor.

“oooh. isch är de vo london säuber?”

“ursprünglech us dr karibik!”, lüg ig weiter.

und denne chunnts: “weisch, i glaube ebe nid dranne, dass sörigi manne nur eini wo dick isch uswähle um a schwizer pass z cho. ig bi ebe meeeeega dick gseh mou. so wie du. oder villicht chlei dicker. und ha ihn ebe denne so kenneglernt. aber jetz han ig abgnoh, weisch är isch ebe soooooo schööön! ha nid weue dick und hässlech näb ihm stoh (natürlich. die 2 sache göhre  au immer zäme, of course) ig ha ebe mit ihm zäme agnoh… gaaaanz natürlech”.

aha.

nice. jetz wos seisch… gsehsch sehr müed uuus… het dini super diät nüd gäge fäutli und augeringe chönne häufe?

whatever.

“hm. weisch bi mou dopplet so dick gseh. är het mi denne no nid kennt! und wenn scho: IG wott sini papiere… är het ke interässe ir schwiz z cho und ig au nid eigentlech dört z bliibe. wott scho lang uswandere… und mittlerwiile han ig usegfunge, dass mi d schönheit ohni substanz überhaupt nid interessiert, völlig überbewärtet. gähn und so… aber ig weiss dass jede so sini prioritäte het…”

“uswandere? do häre? das chan ig nid verstoh…“

äuä. du verstohsch das nid… nei. säg.

aber de lallet sie witer: „jo. mir wette ebe scho lang kinderlis ha…” (het mer irgendwie gar nid zueglost: what the fuck?) “… und du? wottsch du keini kinder?”

“doch. doch. *schwärm* ig liebe kinder, möcht nüd liebers as…”,

aber natürli, nimmt sie sech d freiheit use mi z unterbräche. fiinfüehlig wie sie nun mal isch, kotzet sie: “aber de muesch de langsam gas gäh… 35 isch allerhöchsti iisebahn!”

i’m definitely not amused. und i glaub sie wott unbedingt e schlag z mitz ir frässe.

„jo, i dänke ebe dass ig nid eifach so mit 16 es kind ha weue uf d wält bringe, wüu ig ebe gäbig jung gseh bi, und übrigens au nid mit irgendöpper… mit 40 muetter wärde isch ke sälteheit meh.”

“hmhm. und was bisch du vo bruef?” (scho wieder so ne abrupte themawächsu)

knapp: „agsteuti. und du?”

„ärztin ir psychologischi betreuig… weisch, genau so lüt chöme zu mir wo wie du en OP gha hei. du hesch sicher en OP gha gäu…? könne niemmer wo d hälfti vom eigete körpergwicht verlore het ohni ungerstützig vom magebypass…”

WAAAAAAAAT? SAY THAT AGAIN? BETREUIIG?

“ohhh… du leistisch PSYCHOLOGHISCHI UNTERSTÜTZIG? ig bi mer sicher du machsch din job SUPER. bi dere offehärzigkeit. und nei. es isch komplimänt gseh. jo, han en bypass… aber by the way, isch au so ke spaziergang, glaub mers. heb e schöne ufenthalt. due fliisig lerne.”, BITCH. vor auem i de fächer EINFÜHLUNGSVERMÖGEN, SENSIBILITÄT und EMPATHIE hesch vüu nochezhole.

no comment.

Advertisements

One thought on “nicht die feine englische art.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s